भरतपुर, १३ मंसिर (०८२) । नेकपा (एमाले)को एघारौं महाधिवेशनका लागि चितवनबाट २४ जना प्रतिनिधि छनौट भएका छन् । चितवनबाट प्रतिनिधित्व गरेर जानेहरुको नाम सर्वसम्मतीबाट शनिबार साँझ टुंग्याइएको एमाले चितवनले जनाएको छ ।
चितवनका तीन निर्वाचन क्षेत्रबाट प्रतिनिधि छनौट भएका छन् भने चितवन जिल्ला भरीबाट उत्पीडित क्लष्टरमा १ जना प्रतिनिधि छनौट भएका छन् ।
निर्वाचन क्षेत्र नं. १ बाट ८ जना छनौट भएका छन् । जसमा खुल्लातर्फ कमलराज पाठक, यादवप्रसाद पाठक, गोविन्दप्रसाद कँडेल र जगन्नाथ आचार्य, महिलातर्फ चन्द्रादेवी तामाङ, शान्ति चौधरी र विमला दुवाडी, युवातर्फ उत्तम सेढाई छनौट भएका हुन् ।
निर्वाचन क्षेत्र नं। २ बाट ९ जना छनौट भएका छन् । जसमा खुल्लातर्फ डा. तिलचन्द्र भट्टराई, तेजेन्द्रबहादुर खड्का, शंकर अधिकारी, केशव लामा र पदमपाणि सुवेदी, महिलातर्फ विमला लामा, इच्छा त्रिपाठी र गीता श्रेष्ठ, युवातर्फ प्रकाश आचार्य छनौट भएका छन् ।
निर्वाचन क्षेत्र नं. ३ बाट ६ जना छनौट भएका छन् । जसमा खुल्लातर्फ रामप्रसाद न्यौपने, प्रकाश ढुंगाना र कृष्णप्रसाद भुर्तेल, महिलातर्फ सरस्वती विष्ट र निशा अधिकारी, युवातर्फ प्रकाश भट्ट प्रतिनिधि छनौट भएका हुन् ।
चितवन जिल्लाबाट उप्पीडित क्लष्टरतर्फ श्यामलाल विक प्रतिनिधि छनौट भएका छन् । पार्टी संगठित सदस्यका आधारमा हरेक निर्वाचन क्षेत्रमा प्रतिनिधिको संख्या निर्धारण गरिएको एमाले चितवनले जनाएको छ । नेकपा एमालेले मंसिर २७ देखि २९ गतेसम्म केन्द्रीय महाधिवेशन गर्दैछ ।
एमाले चितवनका अनुसार महाधिवेशनका लागि निम्न प्रतिनिधि चयन गरिएको छ :
