काठमाडौँ, २७ मङ्सिर ०८२ । नेकपा एमालेको ११ औं राष्ट्रिय महाधिवेशनको पार्टी अध्यक्ष केपी शर्मा ओलीले उद्घाटन गर्नुभएको छ । भक्तपुरको सल्लाघारीमा रिमोटबाट झन्डोत्तोलन गर्दै एमाले अध्यक्ष ओलीले कार्यक्रमको औपचारिक उद्घाटन गर्नुभएको हो ।
भक्तपुरको सल्लाघारीस्थित नेपाल ट्रष्टको १०८ रोपनी चौरमा आयोजित महाधिवेशन उद्घाटन समारोहमा सहभागी हुन विभिन्न जिल्लाबाट आएका नेता, महाधिवेशन प्रतिनिधि एवं कार्यकर्ताको भीड लागेको छ ।
